ಕವಿತಾ ಟ್ರಸ್ಟಾಚಿ ಕವಿತಾ ಸಾದರ್ ಸರ್ತ್: ಮಲಾಡ್ ಥಾವ್ನ್ ತೆಗಾಂ ಮುಂಬಯ್ ಫೈನಲಾಕ್
’ಕವಿತಾ ಟ್ರಸ್ಟ್’ ಹಾಂಣಿ ಆಶಾವಾದಿ ಪ್ರಕಾಶನಾ ಸಾಂಗಾತಾ ಹ್ಯಾಚ್ ನವೆಂಬರ್ 18, 2018 ತಾರಿಕೆರ್ ಓರ್ಲೆಮ್ ಮಲಾಡ್ ಸೈಂಟ್ ಆನ್ನ್ ಇಸ್ಕೊಲಾಂತ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರ್ ಸರ್ತೆಚೊ ಪ್ರಾಥಮಿಕ್ ಪಾಂವ್ಡೊ ಚಲೊವ್ನ್ ವೆಲೊ. ಮಲಾಡ್ ಫಿರ್ಗಜೆಚ್ಯಾ ಸಂಘಟನಾಂನಿ ಹೊ ಸ್ಪರ್ಧೊ ಚಲೊವ್ನ್ ವರುಂಕ್ ಸಾಂಗಾತ್ ದಿಲ್ಲೊ. ನಾಮ್ಣೆಚೊ ಕೊಂಕಣಿ ವಾವ್ರಾಡಿ ಮಾನೆಸ್ತ್ ಸಿಪ್ರಿ ಸಂಪಿಗೆ ತಶೆಂಚ್ ಲೊಕಾಮೊಗಾಳ್ ಶಿಕ್ಷಕ್ ಮಾನೆಸ್ತ್ ಜೆರಿ ಡಿಸೋಜ್ ಸಯ್ರೆ ಜಾವ್ನ್ ಹಾಜರ್ ಆಸ್ಲೆ.
ಸುರ್ವಾತೆರ್ ಸಂಘಟನಾಚಿ ಅಧ್ಯಕ್ಶಿಣ್ ಮಾನೆಸ್ತಿಣ್ ಜ್ಯೂಲಿ ಡಿಕೋಸ್ತಾನ್ ಮಾಗ್ಣ್ಯಾನ್ ಹೊ ಸ್ಪರ್ಧೊ ಸುರ್ವಾತ್ ಕರ್‍ತಚ್ ಚಲ್‌ಲ್ಲ್ಯಾ ಕೊಂಕಣಿ ಕವಿತಾ ಸಾದರ್ ಸರ್ತೆಂತ್ ಹಿಂ ಜಿಕುನ್ ಆಯ್ಲಿಂ;
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ ಚಾಫ್ರಾ ದೆಕೊಸ್ತಾ ಸ್ಮಾರಕ್ ಕೊಂಕಣಿ ಕವಿತಾ ಸಾದರ್ ಸರ್ತ್:
ಭುರ್ಗ್ಯಾಂಚೊ ವಿಭಾಗ್ (15 ವರ್ಸಾಂ ಸಕಯ್ಲಿಂ):
ಪಯ್ಲೆಂ ಸ್ಥಾನ್: ನಿಯೋಮಿ ಮಾರ್ಟಿಸ್ (ಕವಿತಾ: ಸುಟ್ಕಾ, ಕವಿ: ಬಾಬ್ ಜೋನ್ ಸುಂಟಿಕೊಪ್ಪ)
ದುಸ್ರೆಂ ಸ್ಥಾನ್: ರಿಯೋನಾ ಒಲಿವೆರಾ (ಕವಿತಾ: ಮೋರ್ನ್ ಆನಿ ಕವಿ, ಕವಿ: ಬಾಬ್ ವಲ್ಲಿ ಕ್ವಾಡ್ರಸ್)
ತಿಸ್ರೆಂ ಸ್ಥಾನ್: ರಿಯೋ ಫೆರ್ನಾಂಡಿಸ್ (ಕವಿತಾ: ವೀಕ್ ಆನಿ ಪೀಕ್, ಕವಿ: ಬಾಬ್ ನಜ್ರೆತ್ ನೆರಿ ತಾಕೊಡೆ)
ಹಿಲರಿ ಡಿ’ಸಿಲ್ವಾ ಆನಿ ವಲ್ಲಿ ಕ್ವಾಡ್ರಸ್ ವೊರಯ್ಣಾರ್ ಜಾವ್ನಾಸ್ಲೆ. ಒಕ್ಟೋಬರ್ 14 ಥಾವ್ನ್ ನವೆಂಬರ್ 18 ಪರ್‍ಯಾಂತ್ ಮುಂಬಯ್ಚ್ಯಾ ವೆವೆಗ್ಳ್ಯಾ ಫಿರ್ಗಜೆಂನಿ ಚಲ್‌ಲ್ಲ್ಯಾ ಹ್ಯಾ ಪ್ರಾಥಮಿಕ್ ಹಂತಾಂನಿ ಜಿಕೊನ್ ಅಯಿಲ್ಲಿಂ ನವೆಂಬರ್ 25 ತಾರಿಕೆರ್ ಸಕಾಳಿಂ 10 ಥಾವ್ನ್ 12 ಪರ್‍ಯಾಂತ್ ’ಆತ್ಮದರ್ಶನ’ಂತ್ ಚಲೊಂಕ್ ಆಸ್ಚ್ಯಾ ದುಸ್ರ್ಯಾ ಹಂತಾಚ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆತಲಿಂ.
ಮಾನೆಸ್ತಿಣ್ ರೀಟಾ ಆಲ್ಬುಕರ್ಕ್ ಹಿಣೆಂ ಉಪ್ಕಾರ್ ಆಟೊವ್ಣಿ ಕೆಲಿ.
ಭಾತ್ಮಿ: ಹಿಲರಿ ಡಿ’ಸಿಲ್ವಾ
कविता ट्रस्टाची कविता सादर सर्त: मलाड थावन तेगां मुंबय फैनलाक
’कविता ट्रस्ट’ हांणी आशावादी प्रकाशना सांगाता ह्याच न्होवेंबर १८, २०१८ तारकेर ऑर्लेम मलाड सैंट आन्न इस्कोलांत अखिल भारत कोंकणी कविता सादर सर्तेचो प्राथमीक पांवडो चलोवन वेलो. मलाड फिर्गजेच्या संघटनांनी हो स्पर्धो चलोवन वरुंक सांगात दिल्लो. नामणेचो कोंकणी वावराडी मानेस्त सिप्री संपिगे तशेंच लोकामोगाळ शिक्षक मानेस्त जेरी डिसोज सयरे जावन हाजर आसले.
सुर्वातेर संघटनाची अध्यक्षीण मानेस्तीण ज्यूली डिकोस्तान मागण्यान हो स्पर्धो सुर्वात करतच चलल्ल्या कोंकणी कविता सादर सर्तेंत हीं जिकून आयलीं:
नेल्सन आनी लवीना रोड्रिक्स चाफ्रा देकोस्ता स्मारक कोंकणी कविता सादर सर्त:
भुरग्यांचो विभाग (१५ वर्सां सकयलीं):
पयलें स्थान: नियोमी मार्टीस (कविता: सुटका, कवी: बाब जोन सुंटिकोप्पा)
दुसरें स्थान: रियोना ओलिवेरा (कविता: मोर्न आनी कवी, कवी: बाब वल्ली क्वाड्रस)
तिसरें स्थान: रियो फेर्नांडीस (कविता: वीक आनी पीक, कवी: बाब नज्रेत नेरी ताकोडे)
हिलरी डिसिल्वा आनी वल्ली क्वाड्रस वोरयणार जावनासले. ऑक्टोबर १४ थावन न्होवेंबर १८ पऱ्यांत मुंबयच्या वेवेगळ्या फिर्गजेंनी चलल्ल्या ह्या प्राथमीक हंतांनी जिकोन अयिल्लीं न्होवेंबर २५ तारकेर सकाळीं १० थावन १२ परयांत ’आत्मदर्शन’ंत चलोंक आसच्या दुसऱ्या हंताच्या स्पर्ध्यांत भाग घेतलीं.
मानेस्तीण रीटा आलबुकर्क हिणें उपकार आटोवणी केली.
भात्मी: हिलरी डीसिल्वा