245. Poetry Recital Competition - Finals
5 Nov 2024
245. ಕವಿತಾ ಸಾದರೀಕರಣ್ ಸರ್ತ್ - ಫೈನಲ್ಸ್
ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ಅಖಿಲ್ ಭಾರತ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚೆಂ ಫೈನಲ್ಸ್ ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಟಾನಾಚ್ಯಾ ಸಹಯೋಗಾಖಾಲ್ ವಿಶ್ವ ಕೊಂಕಣಿ ಕೇಂದ್ರಾಂತ್ ಚಲ್ಲೆಂ. ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಟಾನಾಚೊ ಅಧ್ಯಕ್ಷ್ ನಂದಗೋಪಾಲ್ ಶೆಣೈ, ಕೊಂಕಣಿ ಭಾಶಾ ಮಂಡಳ್, ಗೋವಾ ಹಾಂಚೊ ಸಚಿವ್ ಮಂಗಳ್‌ದಾಸ್ ಭಟ್, ವಿಶನ್ ಕೊಂಕಣಿ ಯೆವ್ಜಣೆಚೊ ಪ್ರಾಯೋಜಕ್ ಮೈಕಲ್ ಡಿಸೋಜಾ, ಕವಿತಾ ಟ್ರಸ್ಟಾಚೆ ಟ್ರಸ್ಟಿ ವೇದಿರ್ ಹಾಜರ್ ಆಸುನ್ ಸರ್ತೆಚೆಂ ಉಗ್ತಾವಣ್ ಜಾಲೆಂ.
ಟೈಟಸ್ ನೊರೊನ್ಹಾ, ಎಡ್ಡಿ ಸಿಕೇರ್, ವೆಂಕಟೇಶ್ ನಾಯಕ್, ವಿಲ್ಫಿ ಲೋಬೊ ಪಡೀಲ್, ಶಕುಂತಲಾ ಕಿಣಿ ಹಾಂಣಿ ವೊರವ್ಣಿ ಕೆಲಿ ತರ್ ಮೆಲ್ವಿನ್ ರೊಡ್ರಿಗಸಾನ್ ಸಾದರ್ ಜಾಲ್ಲ್ಯಾ ಕವಿತಾಂಚಿ ಯಥಾರ್ಥತಾಯ್ ಸಾರ್ಕಿ ಆಸ್ಚೆವಿಶಿಂ ಗುಮಾನ್ ದವರ‍್ಲೆಂ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ 31 ಭುರ್ಗಿಂ ಫೈನಲಾಕ್ ಪಾವಲ್ಲಿಂ ಆಸುನ್ ಜಿಕ್ಲಲ್ಯಾಂಚಿಂ ನಾಂವಾಂ ಹೆಪರಿಂ ಆಸಾತ್:
ಪಯ್ಲೆಂ: ಆರಾಧ್ಯ ಪೈ ರೈತುರ್ಕಾರ್
ದುಸ್ರೆಂ: ಆಯನ್ ಮಂಗಳ್‌ದಾಸ್ ಭಟ್
ತಿಸ್ರೆಂ: ಸೃಶ್ಟಿ ಸಿಧೇಶ್ ಆಳ್ವೆ
ಪ್ರೋತ್ಸಾಹಕ್ ಇನಾಮಾಂ: ನಿನಿಶಾ ಪ್ರಿಶಾ ಮೊಂತೇರೊ, ಪ್ರಜ್ಯೋತ್ ಪ್ರಸಾದ್ ಪರ್ವತ್ಕಾರ್, ಅನಘಾ ರೋಹನ್ ನಾಡಕರ್ಣಿ, ಶರ್ವಿ ಶರದ್ ಗೌಣೇಕಾರ್, ಶ್ರೀಅಂಶ್ ಧ್ಯಾನೇಶ್ವರ್ ಸುಭಾಜಿ.
ಯುವಜಣಾಂಚ್ಯಾ ವಿಭಾಗಾಂತ್ 8 ಜಣಾಂ ಫೈನಲಾಕ್ ಆಯಿಲ್ಲಿಂ ಆಸುನ್ ಜಿಕ್ಲಲ್ಯಾಂಚಿಂ ನಾಂವಾಂ ಹೆಪರಿಂ ಆಸಾತ್:
ಪಯ್ಲೆಂ: ಆಲ್ರೀಶಾ ರೊಡ್ರಿಗಸ್
ದುಸ್ರೆಂ: ರೂಸಿ ಮಹೇಂದ್ರ ಪರಬ್
ತಿಸ್ರೆಂ: ಶಿವಾಂಗ್ ಪ್ರಭು
ಪ್ರೋತ್ಸಾಹಕ್ ಇನಾಮ್: ಅನ್ವಿಲಾ ನಿಯೋರಾ ಡಿಸೋಜಾ
ಜ್ಯೇಷ್ಟಾಂಚ್ಯಾ ವಿಭಾಗಾಂತ್ 8 ಜಣಾಂ ಫೈನಲಾಕ್ ಆಯಿಲ್ಲಿಂ ಆಸುನ್ ಜಿಕ್ಲಲ್ಯಾಂಚಿಂ ನಾಂವಾಂ ಹೆಪರಿಂ ಆಸಾತ್:
ಪಯ್ಲೆಂ: ನೀತಾ ಮಹೇಂದ್ರ ಪರಬ್
ದುಸ್ರೆಂ: ಸ್ಮಿತಾ ಸಿಧೇಶ್ ಆಳ್ವೆ
ತಿಸ್ರೆಂ: ಸ್ಪ್ರುಹಾ ಸಿದ್ದೇಶ್ ನಾಯ್ಕ್
ಮೆಲ್ವಿನ್ ರೊಡ್ರಿಗಸಾನ್ ಸುರ್ವೆರ್ ಯೆವ್ಕಾರ್ ದಿಲ್ಲೊ. ವಿತೊರಿ ಕಾರ್ಕೊಳಾನ್ ಸರ್ತ್ ಚಲೊವ್ನ್ ವ್ಹೆಲಿ. ಎವ್ರೆಲ್ ರೊಡ್ರಿಗಸ್, ವಿನ್ಸಿ ಪಿಂಟೊ ಆಂಜೆಲೊರ್, ಸ್ಟೇನಿ ಬೆಳಾ, ಆಂಡ್ರ್ಯೂ ಎಲ್ ಡಿಕುನ್ಹಾ ಆನಿ ವಿಲಿಯಮ್ ಪಾಯ್ಸ್ ಹಾಂಣಿ ಸಹಕಾರ್ ದಿಲ್ಲೊ.
ಇನಾಮಾಂ ವಾಂಟ್ಚ್ಯಾ ಸುವಾಳ್ಯಾಂತ್ ಗೋವಾ ಕೊಂಕಣಿ ಭಾಶಾ ಮಂಡಳಾಚೆ ಆದ್ಲೆ ಅಧ್ಯಕ್ಷ್ ಪ್ರಶಾಂತ್ ನಾಯ್ಕ್, ಆಕಾಶ್‍ವಾಣಿಚಿ ಆದ್ಲಿ ಉದ್ಘೋಶಕಿ ಶಕುಂತಳಾ ಕಿಣಿ, ನಾಟಕ್‌ಕಾರ್ ಎಡ್ಡಿ ಸಿಕೇರ್ ಹಾಜರ್ ಆಸುನ್ ಜಿಕ್ಲಲ್ಯಾಂಕ್ ನಗ್ದೆಚಿಂ ಇನಾಮಾಂ, ಪ್ರಮಾಣ್ ಪತ್ರಾಂ ಆನಿ ಯಾದಸ್ತಿಕಾ ವಾಂಟ್ಚ್ಯಾಂತ್ ಸಹಕಾರ್ ದಿಲೊ.
244. Poetry Recital Competition - Madgaon Round
5 Oct 2024
244. ಕವಿತಾ ಸಾದರೀಕರಣ್ ಸರ್ತ್ - ಮಡ್ಗಾಂವ್ ಪಾಂವ್ಡೊ
ಕವಿತಾ ಟ್ರಸ್ಟ್ ಹಾಂಣಿ ಕೊಂಕಣಿ ಭಾಶಾ ಮಂಡಳ್ ಗೋವಾ ಹಾಂಚೆ ಸಾಂಗಾತಾ ಮೆಳುನ್ ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್, ಚಾಫ್ರಾ ದೆಕೊಸ್ತಾ ಸ್ಮಾರಕ್ ಮಡ್ಗಾಂವ್ಚೊ ಕೊಂಕಣಿ ಕವಿತಾ ಸಾದರೀಕರಣ್ ಪಾಂವ್ಡೊ ರವೀಂದ್ರ ಕೆಳೆಕಾರ್ ಜ್ಞಾನ್‍ಮಂದಿರ್ ಶಾಳೆಂತ್ ಮಾಂಡುನ್ ಹಾಡಲ್ಲೊ. ಶಾಳೆಚೊ ಮುಕೆಲ್ ಮೆಸ್ತ್ರಿ ಅನಂತ್ ಅಗ್ನಿನ್ ಯೆವ್ಕಾರ್ ದಿತಚ್, ಟ್ರಸ್ಟಾಚೊ ವಿಶ್ವಸ್ತ್ ಮೆಲ್ವಿನ್ ರೊಡ್ರಿಗಸಾನ್ ಸರ್ತೆಚಿಂ ನೆಮಾಂ ಸಾಂಗ್ಲಿಂ.
ಕಿಶೂ ಬಾರ್ಕೂರ್, ಗ್ವಾದಲೂಪ್ ಡಾಯಸ್ ಆನಿ ಮಾಯಾ ಖರಂಗಟೆ- ವೊರಯ್ಣಾರ್ ಜಾವ್ನ್ ಆಸಲ್ಲಿಂ. ವಿತೊರಿ ಕಾರ್ಕೊಳ್, ಎವ್ರೆಲ್ ರೊಡ್ರಿಗಸ್, ರತ್ನಮಾಲಾ ದಿವ್ಕಾರ್ ಹಾಂಣಿ ಸಹಕಾರ್ ದಿಲೊ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ 77 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಸಾನ್ವಿ ಪೈ, ಆಯನ್ ಮಂಗಳ್‌ದಾಸ್ ಭಟ್, ಹರ್ಶಿ ಸಾವಂತ್, ವೇದಾ ಜೆ. ನಾಯ್ಕ್, ಸಿದ್ದಾರ್ಥ್ ಹೊನಾವೇರ್ಕಾರ್, ಅನಘಾ ನಾಡಕರ್ಣಿ, ಪೂರ್ವಿ ಕಾಣೇಕಾರ್, ಆರಾಧ್ಯ ಎಸ್. ಪೈ ರೈತುರ್ಕಾರ್, ಸೃಷ್ಟಿ ಆಳ್ವೆ, ಪ್ರಜ್ಯೋತ್ ಪರ್ವತ್ಕಾರ್, ತನುಶ್ರೀ ಪ್ರಭು, ಆರ್ವಿ ನಾಯ್ಕ್ ಹಿಂ ಫೈನಲಾಕ್ ವಿಂಚುನ್ ಆಯ್ಲಿಂ.
ಯುವಜಣಾಂಚ್ಯಾ ವಿಭಾಗಾಂತ್ 12 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಅನುಶ್ರೀ ಶಿರೋಡ್ಕಾರ್, ಶರ್ವಾನಿ ನಾಯ್ಕ್, ಪೂಜಾ ನಾವ್ಗೇಕಾರ್ ಆನಿ ಶಿವಾಂಗ್ ಪ್ರಭು ಹಿಂ ಫೈನಲಾಕ್ ವಿಂಚುನ್ ಆಯ್ಲಿಂ.
ಜ್ಯೇಷ್ಟಾಂಚ್ಯಾ ವಿಭಾಗಾಂತ್ 4 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಸ್ಮಿತಾ ಸಿಧೇಶ್ ಆಳ್ವೆ ಆನಿ ಸ್ಪ್ರುಹಾ ಸಿಧೇಶ್ ನಾಯ್ಕ್ ಫೈನಲಾಕ್ ವಿಂಚುನ್ ಆಯ್ಲಿಂ.
243. Poetry Recital Competition - Panaji Round
4 Oct 2024
243. ಕವಿತಾ ಸಾದರೀಕರಣ್ ಸರ್ತ್ - ಪಣಜಿ ಪಾಂವ್ಡೊ
ಕವಿತಾ ಟ್ರಸ್ಟ್ ಹಾಂಣಿ ಬಾಲ್-ಭವನ್ ಗೊಂಯ್ ಆನಿ ಕೊಂಕಣಿ ಭಾಶಾ ಮಂಡಳ್ ಗೋವಾ ಹಾಂಚೆ ಸಾಂಗಾತಾ ಮೆಳುನ್ ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್, ಚಾಫ್ರಾ ದೆಕೊಸ್ತಾ ಸ್ಮಾರಕ್ ಪಣ್ಜೆಚೊ ಕೊಂಕಣಿ ಕವಿತಾ ಸಾದರೀಕರಣ್ ಪಾಂವ್ಡೊ ಪಣ್ಜೆಚ್ಯಾ ಬಾಲ್-ಭವನ್ ಸಭಾಸಾಲಾಂತ್ ಮಾಂಡುನ್ ಹಾಡಲ್ಲೊ. ಬಾಲ್-ಭವನಾಚೊ ದಿರೆಕ್ತೊರ್ ಶಶಿಕಾಂತ್ ಪುಣಾಜಿ, ಕೊಂಕಣಿ ಭಾಶಾ ಮಂಡಳ್ ಗೋವಾ ಹಾಚೊ ಆದ್ಲೊ ಅಧ್ಯಕ್ಷ್ ಚೇತನ್ ಆಚಾರ್ಯ ಹಾಜರ್ ಆಸಲ್ಲೆ.
ಕಿಶೂ ಬಾರ್ಕೂರ್, ರಾಧಾ ಭಾವೆ ಆನಿ ನಯನಾ ಆಡಾರ್ಕಾರ್ ಹಿಂ ವೊರಯ್ಣಾರ್ ಜಾವ್ನ್ ಆಸಲ್ಲಿಂ. ವಿತೊರಿ ಕಾರ್ಕೊಳ್ ಆನಿ ಎವ್ರೆಲ್ ರೊಡ್ರಿಗಸ್ ಹಾಂಣಿ ಸಹಕಾರ್ ದಿಲೊ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ 39 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಪಾರ್ಥ್ ಸಾತೊಸ್ಕಾರ್, ಆರುಶ್ ಪಾಲೆಕಾರ್, ಶಾರ್ವಿ ಗೌಣೇಕಾರ್, ರೆಝಿ ಪರಬ್, ಶೈವಿ ಗಾವಸ್, ಸಾಚಿ ಪರಬ್, ನವ್ಯಾ ನಾಯ್ಕ್, ಆರ್ಯ ಸಾವಂತ್, ತನ್ವೀ ಗಾಂವ್ಕಾರ್ ಆನಿ ಶ್ರೀಅಂಶ್ ಸುಬಾಶಿ - ಹಿಂ ಫೈನಲಾಕ್ ವಿಂಚುನ್ ಆಯ್ಲಿಂ.
ಯುವಜಣಾಂಚ್ಯಾ ವಿಭಾಗಾಂತ್ 23 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ವಿಶಾಲ್ ಗಾವಸ್, ಪ್ರಚೀತಿ ರಾಯ್ಕರ್, ರೂಸಿ ಪರಬ್, ಮಾರೀಶಾ ಗೊನ್ಸಾಲ್ವಿಸ್ ಆನಿ ಕೃಪೇಶ್ ಖುಶಾಲಿ ಗಾಂವ್ಕಾರ್ ಹಿಂ ಫೈನಲಾಕ್ ವಿಂಚುನ್ ಆಯ್ಲಿಂ.
ಜ್ಯೇಷ್ಟಾಂಚ್ಯಾ ವಿಭಾಗಾಂತ್ 8 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಅನುಶ್ಕಾ ಪಾಲೆಕಾರ್, ಮುಕುಂದ್ ಮಾಲ್ಗಾಂವ್ಕಾರ್ ಆನಿ ನೀತಾ ಎಮ್. ಪರಬ್ ಹಿಂ ಫೈನಲಾಕ್ ವಿಂಚುನ್ ಆಯ್ಲಿಂ.
242. Poetry Recital Competition - Mangalore Round
1 Sep 2024
242. ಕವಿತಾ ಸಾದರೀಕರಣ್ ಸರ್ತ್ - ಮಂಗ್ಳುರ್ ಪಾಂವ್ಡೊ
ಕವಿತಾ ಟ್ರಸ್ಟ್ ಆನಿ ಕೊಂಕಣಿ ನಾಟಕ್ ಸಭಾ ಹಾಂಣಿ ಸಾಂಗಾತಾ ಮೆಳುನ್, ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾಫ್ರಾ ದೆಕೊಸ್ತಾ ಸ್ಮಾರಕ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚೊ ಮಂಗ್ಳುರ‍್ಚೊ ಪ್ರಾಥಮಿಕ್ ಪಾಂವ್ಡೊ ಡೊನ್ ಬೊಸ್ಕೊ ಹೊಲ್, ಮಂಗ್ಳುರ್ ಹಾಂಗಾಸರ್ ಮಾಂಡುನ್ ಹಾಡಲ್ಲೊ. ಹೊ ಪಾಂವ್ಡೊ, ತೀನ್ ವಿಭಾಗಾಂನಿ ಮ್ಹಳ್ಯಾರ್ ಪಂದ್ರಾ ವರ್ಸಾಂ ಸಕಯ್ಲ್ಯಾಂಕ್, ಪಂದ್ರಾ ತೆಂ ತೀಸ್ ವರ್ಸಾಂ ಭಿತರ‍್ಲ್ಯಾಂಕ್ ತಶೆಂಚ್ ತೀಸ್ ವರ್ಸಾಂ ವಯ್ಲ್ಯಾಂಕ್ ಆಸಲ್ಲೊ.
ಟೈಟಸ್ ನೊರೊನ್ಹಾ, ವಿಲಿಯಮ್ ಪಾಯ್ಸ್ ಆನಿ ಕಿಶೂ ಬಾರ್ಕೂರ್ ವೊರಯ್ಣಾರ್ ಜಾವ್ನ್ ಆಸ್ಲಲೆ. ಹ್ಯೆ ಸರ್ತೆಚೆ ಸುರ‍್ವಾತೆರ್ ಫ್ಲೊಯ್ಡ್ ಕಾಸ್ಸಿಯಾನ್ ಯೆವ್ಕಾರ್ ಮಾಗ್ಲೊ. ಟೈಟಸ್ ನೊರೊನ್ಹಾನ್ ಸಗ್ಳ್ಯಾ ಸ್ಪರ್ಧಿಕಾಂಕ್ ಬರೆಂ ಮಾಗ್ಲೆಂ ಆನಿ ಮೆಲ್ವಿನ್ ರೊಡ್ರಿಗಸಾನ್ ಸರ್ತೆಚಿಂ ನೆಮಾಂ ಸಾಂಗ್ಲಿಂ. ಹ್ಯಾ ಸಂದರ್ಭಾರ್ ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಕಿಶೂ ಬಾರ್ಕೂರ್, ಟ್ರಸ್ಟಿ ವಿಲಿಯಮ್ ಪಾಯ್ಸ್, ಕೊಂಕಣಿ ನಾಟಕ್ ಸಭೆಚೊ ಕ್ಲೀಟಸ್ ನೊರೊನ್ಹಾ, ಲೊಯ್ಡ್ ರೇಗೊ ಆನಿ ಪಿಂಟೊ ವಾಮಂಜೂರ್ ಹಾಂಣಿ ಲ್ಹಾನ್ ಭುರ್ಗ್ಯಾಂ ಸಾಂಗಾತಾ ಮೆಳುನ್ ಪಣ್ಟಿ ಪೆಟೊವ್ನ್ ಸರ್ತೆಚೆಂ ಉಗ್ತಾವಣ್ ಕೆಲೆಂ.
ಸರ್ತೆ ಉಪ್ರಾಂತ್ ವಾಂಟೆಕಾರ್ ಸಗ್ಳ್ಯಾ ಸ್ಪರ್ಧಿಕಾಂಕ್ ಕೊಂಕಣಿ ನಾಟಕ್ ಸಭೆಚೊ ಉಪಾಧ್ಯಕ್ಷ್ ಲಿಸ್ಟನ್ ಡಿಸೊಜಾನ್ ಕವಿತಾ ಟ್ರಸ್ಟಾಚಿಂ ಪುಸ್ತಕಾಂ ವಾಂಟ್ಲಿಂ.
ಹ್ಯಾ ಸಂದರ್ಭಾರ್ ಕವಿತಾ ಟ್ರಸ್ಟಾನ್ ಚಲೊಂವ್ಚ್ಯಾ ಅಖಿಲ್ ಭಾರತೀಯ್ ಕೊಂಕಣಿ ಕವಿತಾ ಸಾದರೀಕರಣ್ ಸರ್ತೆಚ್ಯಾ ಫೈನಲಾಕ್ ಮಂಗ್ಳುರ್ ಥಾವ್ನ್ ವಿಂಚುನ್ ಆಯಿಲ್ಲ್ಯಾಂಚಿಂ ನಾಂವಾಂ ಜಾಹೀರ್ ಕೆಲಿಂ.
ಭುರ್ಗ್ಯಾಂಚ್ಯಾ ವಿಭಾಗಾಂತ್ 25 ಭುರ್ಗ್ಯಾಂನಿ ವಾಂಟೊ ಘೆತಲ್ಲೊ ಆಸುನ್ - ನಿನಿಶಾ ಮೊಂತೇರೊ, ಬೊಂದೆಲ್; ನಿಶೆಲ್ ಮೊಂತೇರೊ, ಬೊಂದೆಲ್; ಅನೋರಾ ಡಿಸೋಜಾ, ಬೊಂದೆಲ್; ಏಂಜೆಲ್ ಕುಟಿನ್ಹಾ, ಹೊಸ್ಪೆಟ್; ಸಂಜನಾ ರಿವಾ ಮಥಾಯಸ್, ಶಕ್ತಿನಗರ್; ಒಶಿನ್ ಫೆರ್ನಾಂಡಿಸ್, ಗುರ್ಪುರ್; ಚೆಲ್ಸಿಯಾ ಪರ್ಲ್ ಕ್ಯಾಸ್ತೆಲಿನೊ, ದೆರೆಬೈಲ್; ಆಹಾನಾ ಸ್ತುತಿ, ಬಾರ್ಕೂರ್; ಜೆವೆಲ್ ಕುಟಿನ್ಹೊ, ಮಿಯಾರ್; ಇವಾ ಲಿಜಾ ಲೋಬೊ, ಇಜಯ್ - ಹಿಂ ವಿಂಚುನ್ ಆಯ್ಲಿಂ.
ಯುವಜಣಾಂಚ್ಯಾ ವಿಭಾಗಾಂತ್ 12 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಆಲ್ರೀಶಾ ರೊಡ್ರಿಗಸ್, ಗುರ್ಪುರ್; ಅನ್ವೀಲಾ ಡಿಸೋಜಾ, ಬೊಂದೆಲ್; ಪ್ರಿಯೋನಾ ಲೋಬೊ, ಸಿದ್ದಕಟ್ಟೆ; ಅನುಶಾ ಫೆರ್ನಾಂಡಿಸ್, ವಾಮಂಜೂರ್ ಹಿಂ ವಿಂಚುನ್ ಆಯ್ಲಿಂ.
ಜ್ಯೇಷ್ಟಾಂಚ್ಯಾ ವಿಭಾಗಾಂತ್ 5 ಜಣಾಂನಿ ಭಾಗ್ ಘೆತಲ್ಲೊ ಆಸುನ್ ಲವೀಟಾ ಡಿಸೋಜಾ, ನಕ್ರೆ; ಐರಿನ್ ಮೆಂಡೊನ್ಸಾ, ಕಾಸ್ಸಿಯಾ; ಪ್ರೀತನ್ ಪಿರೇರಾ, ದೆರೆಬೈಲ್ - ಹಿಂ ವಿಂಚುನ್ ಆಯ್ಲಿಂ.
ಎವ್ರೆಲ್ ರೊಡ್ರಿಗಸ್ ಆನಿ ವೆಂಕಟೇಶ್ ನಾಯಕ್ ಹಾಂಣಿ ಸರ್ತೆಚ್ಯಾ ವಾವ್ರಾಂತ್ ಸಾಂಗಾತ್ ದಿಲೊ.
241. Biri Biri Pavs - Stories of Poetry - From August 22, 2024 Weekly for 10 Weeks on Daijiworld TV
22 Aug 2024
241. ಬಿರಿ ಬಿರಿ ಪಾವ್ಸ್ - ಕವಿತೆಂಚ್ಯೊ ಕಥಾ - ಆಗೋಸ್ತ್ 22, 2024 ಥಾವ್ನ್ ಹಪ್ತ್ಯಾಕ್ ಎಕಾ ಲೆಖಾನ್ ಧಾ ಹಫ್ತೆ
ದಾಯ್ಜಿವರ್ಲ್ಡ್ ಟೆಲಿವಿಶನಾಚೆರ್ ಕೊಂಕಣಿ ಕವಿಂಚಿ ವಳಖ್ ದಿಂವ್ಚೆ ಬರಾಬರ್, ತಾಂಚ್ಯಾ ವಿಂಚ್ಲಲ್ಯೊ ಕವಿತಾ, ವಾಚ್ಪ್ಯಾಂ ಥಾವ್ನ್ ಸಾದರೀಕರಣ್ ಕರೊವ್ನ್, ತ್ಯಾ ಕವಿತಾಂ ಪಾಟ್ಲ್ಯೊ ಕಥಾ ಸ್ವತಾ ಕವಿಥಾವ್ನ್ ಜಾಣಾ ಜಾಂವ್ಚಿ ಎಕಾ ವೊರಾಚಿ ಕಾರ್ಯಾವಳ್ ಧಾ ಹಪ್ತೆ ಪಾಸುನ್ ಚಲ್ಲಿ.
ಮೆಲ್ವಿನ್ ರೊಡ್ರಿಗಸಾಚ್ಯೆ ಯೆಜ್ಮಾನ್ಪಣಾಖಾಲ್ ಚಲಲ್ಯಾ ಹೆ ಟಿವಿ ಕಾರ್ಯಾವಳಿಂತ್ ನಾಮ್ಣೆಚ್ಯಾ ಇಕ್ರಾ ಕವಿಂನಿ ಭಾಗ್ ಘೆತ್ಲೊ. ತಾಂಚಿಂ ನಾಂವಾಂ ಅಶಿಂ ಆಸಾತ್: ಆಂಡ್ರ್ಯೂ ಎಲ್ ಡಿಕುನ್ಹಾ, ರೋಶು ಬಜ್ಪೆ, ಸ್ಮಿತಾ ಶೆಣೈ, ವಿಲ್ಮಾ ಬಂಟ್ವಾಳ್, ವಿಲ್ಸನ್ ಕಟೀಲ್, ಟೈಟಸ್ ನೊರೊನ್ಹಾ, ಎಚ್ಚೆಮ್ ಪೆರ್ನಾಳ್, ಗುರು ಬಾಳಿಗಾ, ರಾಜಯ್ ಪವಾರ್, ಫೆಲ್ಸಿ ಲೋಬೊ ಆನಿ ಕಿರಣ್ ನಿರ್ಕಾಣ್.
ನಿನಿಶಾ ಮೊಂತೇರೊ, ರಾನಿಲ್ ಡಿಸೋಜಾ, ಪ್ರಿಯೋನಾ ಲೋಬೊ, ಎಲ್ಡನ್ ಡಿಸೋಜಾ, ಶ್ವೇತಾ ಪೈ, ಸುಚಿತ್ರಾ ಶೆಣೈ, ಆಲ್ರೀಶಾ ರೊಡ್ರಿಗಸ್, ಡೆನಿಕಾ ಡಿಸೋಜಾ, ಜೇಸನ್ ಲೋಬೊ, ಜೊಸ್ವಿನ್ ಪಿಂಟೊ, ಶಿಲ್ಪಾ ಕುಟಿನ್ಹಾ, ಆನ್ಸನ್ ನಜ್ರೆತ್, ಜೋಶಾಲ್ ಡಿಸೋಜಾ, ವಿನ್ಸಿ ಪಿಂಟೊ ಆಂಜೆಲೊರ್, ಸ್ನೇಹಾ ಕಾಮತ್, ಅಜಿತ್ ನಾಯಕ್, ಬ್ರಿಜೇಶ್ ಶೆಟ್ ದೇಸಾಯಿ, ಪ್ರಶಾಂತ್ ನಾಯ್ಕ್, ನಿಶೆಲ್ ಲೋಬೊ ಆನಿ ಐರಿನ್ ಮೆಂಡೋನ್ಸಾ ಹಾಂಣಿ ಇಕ್ರಾ ಕವಿಂಚ್ಯೊ ಕವಿತಾ ಸಾದರ್ ಕೆಲ್ಯೊ.
ವಿಶನ್ ಕೊಂಕಣಿಚ್ಯಾ ಮೈಕಲ್ ಡಿಸೋಜಾನ್ ಹ್ಯಾ ಟಿವಿ ಕಾರ್ಯಾವಳಿಚೆಂ ಪ್ರಾಯೋಜಕ್ಪಣ್ ಘೆತಲ್ಲೆಂ.
240. Kavita Dhonu Event in Udyavar
11 Aug 2024
240. ಉದ್ಯಾವರಾಂತ್ ’ಕವಿತಾ ಧೊಣು’ ಕಾರ್ಯಾವಳ್
ಕವಿತಾ ಟ್ರಸ್ಟ್ ಆನಿ ಕೊಂಕ್ಣಿ ನಾಟಕ್ ತಶೆಂ ಭಾಶೆಚಿ ನಿರಂತರತಾ ಸಾಂಬಾಳ್ನ್ ವ್ಹರ‍್ಚ್ಯಾಕ್ ವ್ಹರ‍್ತಿ ದೇಣ್ಗಿ ದಿಂವ್ಚ್ಯಾ ’ನಿರಂತರ್ ಉದ್ಯಾವರ್’ - ಹಾಂಣಿ ಸಾಂಗಾತಾ ಮೆಳುನ್ ಉದ್ಯಾವರ್ ಸಾಂ ವಿಶೆಂತ್ ಪಾಲೊಟ್ಟಿ ಕೊವೆಂತಾಚ್ಯಾ ಸಭಾಸಾಲಾಂತ್ ’ಕವಿತಾ ಧೊಣು’ ಮ್ಹಳ್ಳೆಂ ಕಾರ್ಯೆಂ ಚಲಯ್ಲೆಂ.
ಕಾರ್ಯಕ್ರಮಾಚೆಂ ಉಗ್ತಾವಣ್ ಉದ್ಯಾವರ್ ಸಾಂ ಫ್ರಾನ್ಸಿಸ್ ಸಾವೆರ್ ಫಿರ್ಗಜೆಚೆ ವಿಗಾರ್ ಬಾಪ್ ಅನಿಲ್ ಡಿಸೋಜಾಂನಿ ಇಂಗ್ಳ್ಯಾಂಕ್ ಧುಂಪ್ ಘಾಲ್ಚೆಂ ಸವೆಂ ಉಗ್ತಾವಣ್ ಕೆಲೆಂ. ಕವಿತಾ ಟ್ರಸ್ಟ್ ಸಂಸ್ಥಾಪಕ್ ಮೆಲ್ವಿನ್ ರೊಡ್ರಿಗಸ್ ಹಾಂಣಿ ಕವಿತಾ ಧೊಣು ಕಾರ್ಯಾಪಾಟ್ಲ್ಯಾನ್ ಆಸ್ಚೆ ಆಲೋಚನೆವಿಶಿಂ ಆನಿ ಶೆವೊಟಾವಿಶಿಂ ಮಾಹೆತ್ ದಿಲಿ.
ಉಪ್ರಾಂತ್ ’ಕವಿತಾ ಗಜಾಲಿ’ ಮ್ಹಳ್ಳ್ಯಾ ಮಾತಾಳ್ಯಾಖಾಲ್ ಕವಿ ಆಂಡ್ರ್ಯೂ ಎಲ್ ಡಿಕುನ್ಹಾನ್ ಮಟ್ವೆಂ ಉಲೊವ್ಪ್ ಸಾದರ್ ಕೆಲೆಂ. ನಾಮ್ನೆಚೊ ಕವಿ, ಸಂಪಾದಕ್, ವಿಮರ್ಶಕ್ ಎಚ್ಚೆಮ್ ಪೆರ್ನಾಲ್ ಹಾಣೆ ಕವಿತೆಚ್ಯಾ ಗಜಾಲಿಂಚೆರ್ ಚಲಲ್ಲ್ಯಾ ಸಂವಾದಾಚೆ ಸುಂಕಾಣ್ ಧರ್ಲೆಲೆಂ. ಜೊನಿ ಮರಿಯಭೂಮಿ, ಜುಡಿತ್ ಫೆರ್ನಾಂಡಿಸ್, ರಿತೇಶ್ ಡಿಸೋಜಾ ಹಾಣಿಂ ಸಂವಾದಾಂತ್ ವಾಂಟೊ ಘೆತ್ಲೊ.
ಅಖೇರಿಕ್ ಚಲಲ್ಲ್ಯಾ ಕವಿತಾ ವಾಚನ್ ಆನಿ ಸಾದರೀಕರಣ್ ಕಾರ್ಯಾವಳಿಂತ್ ಮ್ಹಾಲ್ಘಡಿ ಲೇಖಿಕಾ ಕ್ಯಾಥರಿನ್ ರೊಡ್ರಿಗಸ್, ಪಿಯುಸ್ ಜೇಮ್ಸ್ ಕರುಗಳ್ನಡೆ, ವಲೇರಿಯನ್ ಮೆಂಡೊನ್ಸಾ ಪಿತ್ರೋಡಿ, ಜಿತಾ ಗೊನ್ಸಾಲ್ವಿಸ್, ಪ್ರಕಾಶ್ ರೊಡ್ರಿಗಸ್, ಫೆಲ್ಸಿ ಲೋಬೊ ದೆರೆಬೈಲ್ ಆನಿ ನಿನಿಶಾ ಮೊಂತೆರೋನ್ ವಾಂಟೊ ಘೆತ್ಲೊ.
ನಿರಂತರ್ ಉದ್ಯಾವರ್ ಹಾಂಚ್ಯಾ ಸವ್ಯಾ ವರ್ಸುಗೆ ದಿಸಾಚ್ಯಾ ಉಗ್ಡಾಸಾಕ್ ಸಂಸ್ಥ್ಯಾಕ್ ಸಹಕಾರಿ ಜಾಲ್ಲ್ಯಾಂಕ್ ಆದ್ಲೊ ಅಧ್ಯಕ್ಷ್ ಸ್ಟೀವನ್ ಕುಲಾಸೊನ್ ಮಾನ್ ಕೆಲೊ. ಮೈಕಲ್ ಡಿಸೊಜಾನ್ ಉಪ್ಕಾರ್ ಆಟಯ್ಲೆ. ನಿರಂತರ್ ಉದ್ಯಾವರ್ ಹಾಚೊ ಅಧ್ಯಕ್ಷ್ ರೋಶನ್ ಕ್ರಾಸ್ಟೊನ್ ಸುರ್ವೆರ್ ಯೆವ್ಕಾರ್ ಮಾಗಲ್ಲೊ. ಸ್ಟ್ಯಾನಿ ಬೆಳಾನ್ ಕಾರ್ಯೆಂ ಚಲಯ್ಲೆಂ.
239. Launch of Kavita Publication's 2 Books
7 Jul 2024
239. ಕವಿತಾ ಪಬ್ಲಿಕೇಶನ್ಸಾಚಿಂ ದೋನ್ ಪುಸ್ತಕಾಂ ಲೋಕಾರ್ಪಣ್
ಸಾಂ. ಲುವಿಸ್ ಕೊಲೆಜಿಚ್ಯಾ LCRI ಸಭಾಸಾಲಾಂತ್ ಚಲಲ್ಲ್ಯಾ ’ನ್ಯೂ ಇರಾ’ ಕಾರ್ಯಾವಳಿ ವೆಳಾರ್ ಕವಿತಾ ಪಬ್ಲಿಕೇಶನ್ಸಾಚಿಂ ದೋನ್ ಪುಸ್ತಕಾಂ ಉಗ್ತಾವಣ್ ಜಾಲಿಂ. ಫೆಲ್ಸಿ ಲೋಬೊ ಹಿಚೆಂ ಕವಿತಾಂಚೆಂ ಪುಸ್ತಕ್ ’ಪಾಲ್ವಾಪೊಂತ್’ ಆನಿ ಕಿರಣ್ ನಿರ್ಕಾಣ್ ಹಾಚೆಂ ಬಾಳ್-ಕವಿತಾಂಚೆಂ ಪುಸ್ತಕ್ ’ನಕ್ತಿರಾಂ’ ’ಮೈಕಲ್ ಡಿಸೋಜಾ ವಿಶನ್ ಕೊಂಕಣಿ’ ಯೆವ್ಜಣೆಖಾಲ್ ಪರ್ಗಟ್ ಜಾಲ್ಲಿಂ ಆಸುನ್ ಸ್ವತಾ ಮೈಕಲ್ ಡಿಸೋಜಾಚ್ಯಾ ಹಾತಾಂನಿ ಲೋಕಾರ್ಪಣ್ ಜಾಲಿಂ.
238. Literary Evening Dedicated to CJS (Cyril Gregory Sequeira)
1 Jun 2024
238. ಸಿಜ್ಯೆಸ್ ಸ್ಮರಣಾಕ್ ಸಮರ್ಪಿಲ್ಲಿ ಸಾಹಿತೀಕ್ ಸಾಂಜ್
ಕವಿತಾ ಟ್ರಸ್ಟ್ ಆನಿ ದಾಯ್ಜಿ ದುಬಾಯ್ ಹಾಂಣಿ ಸಾಂಗಾತಾ ಮೆಳುನ್ ಮಂಗ್ಳುರ‍್ಚ್ಯಾ ಡೊನ್ ಬೊಸ್ಕೊ ಹೊಲಾಂತ್ ಮಾಂಡುನ್ ಹಾಡಲ್ಲಿ ’ಸಿಜ್ಯೆಸಾಕ್ ನಮನ್’ ಕಾರ್ಯಾವಳ್ ಸಿಜ್ಯೆಸಾಚ್ಯಾ ಸಾಹಿತೀಕ್ ತಶೆಂ ಖಾಸ್ಗಿ ಜಿವಿತಾಚಿ ವಳಖ್ ದಾಕೊಂವ್ಚ್ಯಾಂತ್ ಯಶಸ್ವಿ ಜಾಲಿ.
ಸಿಜ್ಯೆಸಾಚ್ಯಾ ಸಾಹಿತೀಕ್ ಆತ್ಮ್ಯಾಕ್ ಸಾಂಗಾತ್ ದಿಲ್ಲೆ ಸಾಂಜೆರ್ ಕವಿತಾ ಟ್ರಸ್ಟ್ ಅಧ್ಯಕ್ಷ್ ಕಿಶೂ ಬಾರ್ಕೂರಾನ್ ಯೆವ್ಕಾರ್ ಕೆಲೊ ಆನಿ ಟ್ರಸ್ಟಾಚೊ ಖಜಾನಿ ಆಂಡ್ರ್ಯೂ ಎಲ್. ಡಿಕುನ್ಹಾನ್ ಪ್ರಾಸ್ತಾವಿಕ್ ಉಲೊವ್ಪ್ ಕೆಲೆಂ. ತ್ಯಾ ಉಪ್ರಾಂತ್ ವೇದಿರ್ ಹಾಜರ್ ಆಸಲ್ಲಿ ಸಿಜ್ಯೆಸಾಚಿ ಪತಿಣ್ ಸಿಲ್ವಿಯಾ ಸಿಕ್ವೇರಾ, ಕಿಶೂ ಬಾರ್ಕೂರ್, ದಾಯ್ಜಿ ಮಂಗ್ಳುರ್ ಘಟಕಾಚೊ ಅಧ್ಯಕ್ಷ್ ಪ್ರವೀಣ್ ತಾವ್ರೊ, ಆಂಡ್ರ್ಯೂ ಎಲ್. ಡಿಕುನ್ಹಾ, ಟೈಟಸ್ ನೊರೊನ್ಹಾ ಆನಿ ಮೆಲ್ವಿನ್ ರೊಡ್ರಿಗಸ್ ಹಾಂಣಿ ಸಿಜ್ಯೆಸಾಚೆ ತಸ್ವೀರೆಕ್ ಗುಲೊಬಾಚ್ಯೊ ಪಾಕ್ಳ್ಯೊ ವೊಂಪುನ್ ಅರ್ಗಾಂ ದಿಲಿಂ.
ಉತ್ರಾಂ-ನಮನ್ ದೀಂವ್ಕ್ ಮುಕಾರ್ ಆಯಿಲ್ಲ್ಯಾ ಕವಿ ತಶೆಂ ರಾಹುಲ್ ಎಡ್ವರ್ಟೈಸರ್ಸ್ ಯೆಜ್ಮಾನಿ ಟೈಟಸ್ ನೊರೊನ್ಹಾ ಉಲಯ್ತಾನಾ ತಾಕೊಡೆಂತ್ ಜಲ್ಮಲ್ಲ್ಯಾ ಸಿಜ್ಯೆಸಾಚಿ ಆನಿ ಆಪ್ಣಾಚಿ ಸಳಾವಳ್ ಕಶಿ ಜಾಲಿ ಮ್ಹಳ್ಳೆವಿಶಿಂ ಕಾಂಯ್ ದಾಕ್ಲೆ ದೀವ್ನ್ ವಿವರಾವ್ನ್ ಸಾಂಗ್ಲೆಂ.
ಸಿಜ್ಯೆಸಾಚ್ಯಾ ಕವಿತಾಂವಿಶಿಂ ಉಲಯಿಲ್ಲ್ಯಾ ಮೆಲ್ವಿನ್ ರೊಡ್ರಿಗಸಾನ್ ರ.ವಿ. ಪಂಡಿತಾಚ್ಯಾ ತಶೆಂ ಸಿಜ್ಯೆಸಾಚ್ಯಾ ಕವಿತಾಂ ಮದ್ಲೆಂ ಸಾಮ್ಯ್ ದಾಕ್ಲ್ಯಾಂ ಸಮೇತ್ ವಿವರಾಯ್ಲೆಂ. ಸಿಜ್ಯೆಸಾನ್ ಲುವೀಸ್ ಮಸ್ಕರೇಞ್, ವಿಲ್ಫಿ ರೆಬಿಂಬಸ್ ತಶೆಂ ಜಾಯ್ತ್ಯಾ ಜಾನಪದ್ ಗಿತಾಂಥಾವ್ನ್ ಕಶೆಂ ಪ್ರೇರಣ್ ಘೆತ್ಲಾಂ ಮ್ಹಣುನ್ ವಿವರಾವ್ನ್ ಸಾಂಗ್ಲೆಂ.
ತ್ಯಾ ಉಪ್ರಾಂತ್ ಡ್ಯಾನಿಕಾ ಡಿಸೋಜಾ, ಜಿಯಾ ಡಿಸಿಲ್ವ, ಆಲ್ರೀಶಾ ರೊಡ್ರಿಗಸ್, ಪ್ರಿಯೋನಾ ಲೋಬೊ, ಜೆನ್ವಿನ್ ಕ್ರಾಸ್ತಾ, ನತಾಶಾ ಆನಿ ನಿನಿಶಾ, ಜಿಯೊನ್ನಾ, ಎಲ್ಡೊನ್ ಹಾಂಣಿ ಸಿಜ್ಯೆಸಾಚ್ಯೊ ವೆವೆಗ್ಳ್ಯೊ ಕವಿತಾ ಸಾದರ್ ಕೆಲ್ಯೊ.
ಮನೋಜ್ ಫೆರ್ನಾಂಡಿಸಾನ್ ಪಯ್ಲ್ಯಾ ಭಾಗಾಚೆಂ ತಶೆಂಚ್ ಸ್ಟೇನಿ ಬೆಳಾನ್ ದುಸ್ರ್ಯಾ ಭಾಗಾಚೆಂ ಸುಂಕಾಣ್ ಧರ್‌ಲ್ಲೆಂ.
237. Poet Neelba Khandekar at Kavi Sandhi
26 May 2024
237. ನೀಲ್ಬಾ ಖಾಂಡೆಕಾರ್ ಸಾಂಗಾತಾ ಕವಿಸಂಧಿ
ಕೇಂದ್ರ್ ಸಾಹಿತ್ಯ ಅಕಾಡೆಮಿ, ನವಿ ದಿಲ್ಲಿ ಹಾಂಣಿ ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಠಾನ್ ತಶೆಂಚ್ ಕವಿತಾ ಟ್ರಸ್ಟ್ - ಹಾಂಚೆ ಸಾಂಗಾತಾ ಮೆಳುನ್ 2024 ಮಾಯ್ ಮ್ಹಯ್ನ್ಯಾಚೆ 26 ತಾರಿಕೆರ್ ವಿಶ್ವ ಕೊಂಕಣಿ ಕೇಂದ್ರಾಂತ್ ’ಕವಿಸಂಧಿ’ ಕಾರ್ಯಾವಳ್ ಘಡೊವ್ನ್ ಹಾಡಲ್ಲಿ. ಸಾಹಿತ್ಯ ಅಕಾಡೆಮಿ ಪುರಸ್ಕೃತ್ ಕವಿ ನೀಲ್ಬಾ ಖಾಂಡೇಕಾರಾನ್ ಹ್ಯೆ ಕಾರ್ಯಾವಳಿಂತ್ ಭಾಗ್ ಘೆವ್ನ್ ಆಪ್ಲೊ ಕಾವ್ಯಪ್ರವಾಸ್ ಸಾಂಗ್ಲೊ, ಕವಿತಾ ವಾಚ್ಲ್ಯೊ ಆನಿ ಆಪುಣ್ ಕವಿತಾ ಕಿತ್ಯಾಕ್ ಬರಯ್ತಾಂ ಮ್ಹಳ್ಳೆವಿಶಿಂ ಕಾಂಯ್ ಗಜಾಲಿ ಸಾಂಗ್ಲ್ಯೊ.
ಹ್ಯಾ ಸಂದರ್ಭಾರ್ ಕೊಂಕಣಿ ಭಾಸ್ ಆನಿ ಸಂಸ್ಕೃತಿ ಪ್ರತಿಷ್ಟಾನಾಚೊ ಅಧ್ಯಕ್ಷ್ ನಂದಗೋಪಾಲ್ ಶೆಣೈ ಆನಿ ಕವಿತಾ ಟ್ರಸ್ಟಾಚೊ ಅಧ್ಯಕ್ಷ್ ಕಿಶೂ ಬಾರ್ಕೂರ್ ವೇದಿರ್ ಆಸಲ್ಲೆ. ನೀಲ್ಬಾಚಿ ನಾಟಕ್ ಕೃತಿ ’ಪಂಚಾಗ್ನಿ’ ಹ್ಯಾ ಸಂದರ್ಭಾರ್ ಮೊಕ್ಳೀಕ್ ಕೆಲೊ.
ಸಾಹಿತ್ಯ ಅಕಾಡೆಮಿಚ್ಯಾ ಕೊಂಕಣಿ ಭಾಶಾ ಸಲ್ಲಾಗಾರ್ ಮಂಡಳಾಚೊ ನಿಮಂತ್ರಕ್ ಮೆಲ್ವಿನ್ ರೊಡ್ರಿಗಸ್ ಹ್ಯಾ ಸಂದರ್ಭಾರ್ ಹಾಜರ್ ಆಸುನ್ ಯೆವ್ಕಾರಾಚಿ ಉತ್ರಾಂ ಉಲಯ್ಲೊ ಆನಿ ಸಭೆಕ್ ನೀಲ್ಬಾ ಖಾಂಡೇಕಾರಾಚಿ ವಳಖ್ ಕರುನ್ ದಿಲಿ.
ಪಯ್ಲ್ಯಾ ಭಾಗಾ ಉಪ್ರಾಂತ್ ಸಾಹಿತ್ಯ ಅಕಾಡೆಮಿಚ್ಯಾ ಕೊಂಕಣಿ ಭಾಶಾ ಸಲ್ಲಾಗಾರ್ ಮಂಡಳಾಚೊ ವಾಂಗ್ಡಿ ಎಚ್ಚೆಮ್ ಪೆರ್ನಾಳ್ ಹಾಚ್ಯಾ ಯೆಜ್ಮಾನ್ಪಣಾಖಾಲ್ ನೀಲ್ಬಾ ಖಾಂಡೇಕಾರ್ ಆನಿ ಸ್ಮಿತಾ ಶೆಣೈ - ಹ್ಯಾ ದೊಗಾಂ ಕವಿಂಲಾಗಿಂ ತಾಂಚ್ಯಾ ಕವಿತಾಂನಿ ಯೆಂವ್ಚ್ಯಾ ’ಖೆಳ್’ ವಿಶಯಾಚೆರ್ ಭಾಸಾಭಾಸ್ ಚಲ್ಲಿ.
ಸ್ಟೇನಿ ಬೆಳಾನ್ ಕಾರ್ಯೆಂ ಚಲೊವ್ನ್ ವ್ಹೆಲೆಂ.
236. Kavita Trust's 3 Books Receive Goa Konkani Akademi Awards
4 Feb 2024
236. ಕವಿತಾ ಟ್ರಸ್ಟಾಚ್ಯಾ ತೀನ್ ಪುಸ್ತಕಾಂಕ್ ಗೋವಾ ಕೊಂಕಣಿ ಅಕಾಡೆಮಿಚಿ ಪುಸ್ತಕ್ ಪ್ರಶಸ್ತಿ
ಕವಿತಾ ಟ್ರಸ್ಟಾನ್ ಆಪ್ಲ್ಯಾ ಕವಿತಾ ಪಬ್ಲಿಕೇಶನ್ಸ್ ದ್ವಾರಿಂ ಪರ್ಗಟ್ ಕೆಲ್ಲ್ಯಾ ಎಮ್.ಪಿ. ರೊಡ್ರಿಗಸ್, ರೋಶು ಬಜ್ಪೆ ಆನಿ ಎಂಟನಿ ಬಾರ್ಕೂರ್ -ಹಾಂಚ್ಯಾ ಪುಸ್ತಕಾಂಕ್ ಗೋವಾ ಕೊಂಕಣಿ ಅಕಾಡೆಮಿ ಪುರಸ್ಕಾರ್ ಜಾಹೀರ್ ಜಾಲ್ಲೆ ಆಸುನ್ ಫೆಬ್ರೆರ್ 4, 2024 ತಾರಿಕೆರ್ ಗೊಂಯಾಂತ್ ಚಲಲ್ಲ್ಯಾ ಎಕಾ ಸುವಾಳ್ಯಾಂತ್ ತಾಂಣಿ ಹೆ ಪುರಸ್ಕಾರ್ ಸ್ವೀಕಾರ್ ಕೆಲೆ.
ಗೊಂಯಾಂ ಭಾಯ್ಲ್ಯಾ ಲೇಖಕಾಂಕ್ ಮ್ಹಣುನ್ ಹೆ ಪುರಸ್ಕಾರ್ ಗೋವಾ ಕೊಂಕಣಿ ಅಕಾಡೆಮಿ ದಿತಾ. ಎಮ್. ಪಿ. ರೊಡ್ರಿಗಸ್ ಹಾಂಚೊ ಕಾವ್ಯಸಂಗ್ರಹ್ ’ರಸ್ತ್ಯಾ ದೆಗೆಚಿಂ ಫುಲಾಂ’, ರೋಶು ಬಜ್ಪೆ ಹಾಂಚೊ ಕಾವ್ಯಸಂಗ್ರಹ್ ’ತೀಂತ್ ಜಾಲೆಂ ರಗತ್’ ಆನಿ ಎಂಟನಿ ಬಾರ್ಕೂರ್ ಹಾಂಚೊ ಕಥಾಸಂಗ್ರಹ್ ’ಮಾಸಾಂ’ - ಕ್ರಮಾನುಸಾರ್ 2018, 2019 ಆನಿ 2020ವ್ಯಾ ವರ್ಸಾಚ್ಯಾ ಪುರಸ್ಕಾರಾಂಕ್ ವಿಂಚುನ್ ಆಯಿಲ್ಲೆ. ಹೊ ಪುರಸ್ಕಾರ್ ರು. 25,000 ಆನಿ ಸ್ಮರಣಿಕಾ ಆಟಾಪ್ತಾ.
235. The 18th Edition of Kavita Fest in Puttur
14 Jan 2024
235. ಪುತ್ತೂರಾಂತ್ ಆಟ್ರಾವೆಂ ಕವಿತಾ ಫೆಸ್ತ್
ಕವಿತಾ ಟ್ರಸ್ಟಾನ್ ವರ್ಸಾವಾರ್ ಮಾಂಡುನ್ ಹಾಡ್ಚ್ಯಾ ಕವಿತಾ ಫೆಸ್ತಾಚಿ ಆಟ್ರಾವಿ ಆವೃತ್ತಿ 2024 ಜನೆರಾಚೆ 15 ತಾರಿಕೆರ್ ಪುತ್ತೂರ್, ಸೈಂಟ್ ಫಿಲೊಮೆನಾ ಕೊಲೆಜಿಚ್ಯಾ ಮೊನ್ಸಿಂಞೊರ್ ಪತ್ರಾವೊ ಸಭಾಸಾಲಾಂತ್ ಚಲ್ಲಿ.
ಕವಿತಾ ಟ್ರಸ್ಟಾಚೆಂ ಆಶಯ್ ಗೀತ್ ಗಾಯ್ತಚ್, ಕಮರ್ಶಿಯಲ್ ಟ್ಯಾಕ್ಸ್ ಅಧಿಕಾರಿ ಎಮ್ಲೀನ್ ಡಿಸೊಜಾ ಆನಿ ಕೊಂಕ್ಣಿ ಲೇಖಿಕಾ ಕವಿ ಫ್ಲಾವಿಯಾ ಆಲ್ಬುಕೆರ್ಕ್ ಹಾಂಣಿ ಗುಲಾಬಾಚ್ಯೊ ಪಾಕ್ಳ್ಯೊ ವಾರ‍್ಯಾರ್ ಉಬೊವ್ನ್ ಕವಿತಾ ಫೆಸ್ತಾಚೆಂ ಉಗ್ತಾವಣ್ ಕೆಲೆಂ. ಕವಿತಾ ಟ್ರಸ್ಟಾಚೆ ವಿಶ್ವಸ್ತ್ ಕಿಶೂ ಬಾರ್ಕೂರ್, ಆಂಡ್ರ್ಯು ಡಿಕೂನ್ಹಾ, ಮೆಲ್ವಿನ್ ರೊಡ್ರಿಗಸ್, ವಿಲಿಯಮ್ ಪಾಯ್ಸ್, ವಿತೊರಿ ಕಾರ್ಕಳ್ - ಹ್ಯಾವೆಳಿಂ ಉಪಸ್ಥಿತ್ ಆಸ್ಲೆ.
ಹ್ಯಾ ಕಾರ್ಯಕ್ರಮಾಂತ್ ಕಾಶೀನಾಥ್ ಶಾಂಬಾ ಲೊಳಿಯೆಕಾರಾನ್ ಬರಯಿಲ್ಲೊ ‘ಉತ್ರಾಬಿತ್ರಾಂ’ ನಾಂವಾಚೊ ಕವಿತಾ ಸಂಗ್ರಹ್ ಲೊಕಾರ್ಪಣ್ ಜಾಲೊ.
ಉಗ್ತಾವಣ್ ಸತ್ರಾ ಉಪ್ರಾಂತ್ ’ಜೀಜೀ100’ಚ್ಯಾ ಪಂಗ್ಡಾನ್ ಕೊಂಕ್ಣಿ ಲಗ್ನಾಂತ್ ಗರ್ಜೆಚೊ ಘಟಕ್ ಜಾವ್ನಾಸ್ಚ್ಯಾ ವೊವ್ಯೊ ಆನಿ ವೇರ್ಸ್ ಹಾಂಚೆಂ ಪಾರಂಪಾರೀಕ್ ಗಾಯನ್ ಸಾದರ್ ಕೆಲೆಂ. ರೈನಾ ಸಿಕ್ವೆರಾ ಕುಲ್ಶೇಕರ್, ನೀಲ್ ಡಿಸೋಜಾ ವಾಲೆನ್ಸಿಯಾ, ವೆರ್ನಾ ಡಿಸೊಜಾ ಕೆಲರಾಯ್, ಹೆಡನ್ ಸಿಕ್ವೆರಾ ಕುಲ್ಶೇಕರ್, ಶಾರೊನ್ ರೊಡ್ರಿಗಸ್ ಬಿಜೈ, ಹಾಂಣಿ ಗಾಯನ್ ಕೆಲೆಂ ಜಾಲ್ಯಾರ್ ಸಂಜಯ್ ರೊಡ್ರಿಗಸಾನ್ ಸಂಗೀತ್ ಸಜಯಿಲ್ಲೆಂ. ಸ್ಟೆನಿ ಬೆಳಾನ್ ಗೀತಾಂಚ್ಯೆ ಫಾಟ್‌ಭುಂಯ್ ವಿಶಿಂ ಮ್ಹಾಯೆತ್ ದಿಲಿ.
ಕೇಂದ್ರ್ ಸಾಹಿತ್ಯ್ ಅಕಾಡೆಮಿಚ್ಯಾ ಸಹಕಾರಾನ್ ಚಲಲ್ಲೆ ಕವಿಸಂಧಿ ಕಾರ್ಯಾವಳೀಂತ್ ನೂತನ್ ಸಾಖರ್‌ದಾಂಡೆ ಹಾಂಣಿ ಆಪ್ಲ್ಯೊ ಕವಿತಾ ಸಾದರ್ ಕೆಲ್ಯೊ. ತಿಣೆಂ ಆಪ್ಲೊ ಕಾವ್ಯ್ ಪ್ರವಾಸ್ ಸಾಂಗ್ಲೊ. ಉಪ್ರಾಂತ್ ಕಾವ್ಯ್ ಆನಿ ತಾಚ್ಯಾ ವೆವೆಗ್ಳ್ಯಾ ವರ್ಗೀಕರಣಾಂ ವಿಶಿಂ ಪ್ರೇಕ್ಷಕಾಂ ಕಡೆನ್ ಸಂವಾದ್ ಸಾದ್ಲೊ.
ಕವಿತಾ ಟ್ರಸ್ಟಾನ್ ಚಲಯಿಲ್ಲ್ಯಾ ಕವಿತಾ ಸಾದರೀಕರಣ್ ಸರ್ತೆಂತ್ ಜಿಕಲ್ಲ್ಯಾಂನಿ ಕವಿತಾ ಸಾದರೀಕರಣ್ ಕರುನ್ ದಾಕಯ್ಲೆಂ. ಡಿಂಪಲ್ ಫೆರ್ನಾಂಡಿಸಾನ್ ಹೆ ಗೋಷ್ಟಿಚೆಂ ಅಧ್ಯಕ್ಷ್‌ಪಣ್ ಘೆತಲ್ಲೆಂ. ಆರಾಧ್ಯಾ ಎಸ್ ಪೈ ರಾಯ್ತುರ್ಕಾರ್, ಸಹರ್ಶ್ ನಾಯ್ಕ್, ನಿನಿಶಾ ಮೊಂತೆರೊ, ಸಿಧ್ದಾಂತ್ ಖಾಂಡೆಕಾರ್, ಸುವೆದಾ ಪಾಲ್ಕಾರ್, ಡ್ಯಾನಿಕಾ ಡಿಸೋಜಾ, ಮುಕುಂದ್ ಮಾಲ್ಗಾಂವ್ಕಾರ್, ವನಿತಾ ವಾಣಿ ಕ್ರಾಸ್ತಾ ಹಾಂಣಿ ಸ್ವತಾಚ್ಯೊ ತಶೆಂ ಹೆರ್ ನಾಮ್ನೆಚ್ಯಾ ಕವಿಂಚ್ಯೊ ಕವಿತಾ ಸಾದರ್ ಕೆಲ್ಯೊ.
ದೊನ್ಪಾರಾಂ ಉಪ್ರಾಂತ್ ತರ್ನಾಟೊ ಗಾಯಕ್ ಜೇಸನ್ ಲೋಬೊನ್ - ಮೆಲ್ವಿನ್ ರೊಡ್ರಿಗಸ್, ಕಿಶು ಬಾರ್ಕುರ್, ವಿಲ್ಸನ್ ಕಟೀಲ್ ಹ್ಯಾ ನಾಮ್ನೆಚ್ಯಾ ಕವೀಂನಿ ಬರಯಿಲ್ಲಿಂ ಗಿತಾಂ ಸಾದರ್ ಕೆಲಿಂ. ಸಂಜಯ್ ರೊಡ್ರಿಗಸಾನ್ ಸಂಗೀತ್ ದಿಗ್ದರ್ಶನ್ ದಿಲ್ಲೆಂ.
ಸಮಾರೋಪ್ ಸುವಾಳ್ಯಾ ವೆಳಾರ್ ಲೇಖಕ್ ಆನಿ ಪತ್ರಕಾರ್ ಸಂದೇಶ್ ಪ್ರಭುದೆಸಾಯ್, ಅನುವಾದಕಿ ಆನಿ ಅಭಿನೇತ್ರಿ ಪ್ರಶಾಂತಿ ತಲ್ಪಣ್ಕಾರ್, ಕವಿತಾ ಟ್ರಸ್ಟಾಚೆ ಅಧ್ಯಕ್ಷ್ ಕಿಶೋರ್ ಗೊನ್ಸಾಲ್ವಿಸ್, ಕೋಶಾಧ್ಯಕ್ಷ್ ಆಂಡ್ರ್ಯು ಡಿಕುನ್ಹಾ ಮಾಂಚಿಯೆರ್ ಹಾಜರ್ ಆಶಿಲ್ಲೆ. ಲೇಖಕ್ ಆನಿ ಕವಿ ಪ್ರಕಾಶ್ ದತ್ತಾರಾಮ್ ನಾಯ್ಕಾಕ್ ಮಥಾಯಸ್ ಕುಟಮ್ ಕವಿತಾ ಪುರಸ್ಕಾರ್ - 2023 ಭೆಟೊವ್ನ್ ಮಾನ್ ಕೆಲೊ. ಸೊಯ್ರ್ಯಾಂನಿ ಪ್ರಕಾಶಾಕ್ ಶಾಲ್, ಯಾದಸ್ತೀಕ್, ಪ್ರಶಸ್ತಿ ಪತ್ರ್, ಆನಿ 25,000 ರುಪಿಯಾಂಚೊ ಪುರಸ್ಕಾರ್ ದೀವ್ನ್ ಮಾನ್ ಕೆಲೊ. ಟ್ರಸ್ಟಿ ವಿಲಿಯಮ್ ಪಾಯ್ಸ್ ಹಾಣೆಂ ಪ್ರಶಸ್ತಿ ಪತ್ರ್ ವಾಚ್ಲೆಂ, ಆನಿ ಟ್ರಸ್ಟಿ ವಿತೊರಿ ಕಾರ್ಕಳ್ ಹಾಂಣಿ ಪ್ರಕಾಶ್ ನಾಯ್ಕ್ ಆನಿ ತಾಚ್ಯಾ ಸಾಹಿತ್ಯಕೃತೀಂಚಿ ವಳಖ್ ಪ್ರೇಕ್ಷಕಾಂ ಮುಖಾರ್ ಕೆಲಿ.
ಹ್ಯಾಚ್ ಸಂದರ್ಭಾರ್ ನೆಲ್ಸನ್ ಆನಿ ಲವೀನಾ ರೊಡ್ರಿಕ್ಸ್ - ಚಾ. ಫ್ರಾ. ದೆಕೊಸ್ತಾ ಯಾದಸ್ತೀಕ್, ಭುರ್ಗಿಂ ತಶೆಂ ಜ್ಯೆಷ್ಟಾಂಚ್ಯಾ - ಅಖಿಲ್ ಭಾರತೀಯ್ ಕೊಂಕ್ಣಿ ಕವಿತಾ ಸಾದರೀಕರಣ್ ಸರ್ತೆಚ್ಯಾ ವಿಜೆತ್ಯಾಂಕ್ ಇನಾಮಾಂ ವಾಂಟ್ಲಿಂ.